Humain tum saath pao ge

Mujhe bass itna kehna hai,
kabhi main yaad aoon to
Kabhi tanhayee ki raatain,
tumhai zyada satayen to
Kabhi titli na bole to,
aur jugnu lot jaye to
Kabhi jab dil bhi bhar jaye,
Koi jab sun na paye to
Kabhi sab dost saathi bhi
jo tum se rooth jayen to
Kabhi jab khud se lad ker
thakan se chur ho jao to
Kabhi chahte huwe bhi
khud akele roo na pao to
Apni aankhon ko band kerna
mujhe awaz de dena
Phir mere tasawwur se
jo chahai baatain keh dena
Mere kandhe per sir rakh ker
tum jitna chahe ro lena
Jab main khud lout jaon to
apni dunya chale jana
Magar bass itna kehna hai
Ke jab bhi dukh ya khusyoon main
Humain dil se pukaro ge
Humain tum saath pao ge

laut aana!!!!!!!!!!!!!

Udaas shaameiN, ujaar raste, kabhi bulaaiN to laut aana 
Kisi ki aaNkHoN meiN rat-jagoN ke azaab aaiN to laut aana 

Abhi naiee waadiyoN, nai manzaroN meiN reh lo. Magar meri jaaN 
Ye saaray aik aik kar ke jab tum ko chhor jaaiN to laut aana 

Jo shaam dhaltay hi apni apni panah-gahoN ko laut’te heiN 
Agar wo panchhi kabhi koi daastaN sunaaiN to laut aana 

Nai zamanoN ka karb or’hay, zaeef lamhe, nidhaal yaadeiN 
Tumharay khwaboN ke band kamray meiN aaiN to laut aana 

Agar andheroN meiN chhor kar tum ko bhool jaaiN tumharay saathi 
Aur apni khatir hi apnay apnay diye jalaaiN to laut aana 

Bichhar ke rafeeq meray udaas hona to laut aana 
Akelay pan ki udaas raateiN na kaat sakna to laut aana 

Parayi daisoN meiN kaun tujh ko meri tarah say mana sakay ga
Kisi se yooNhi mazaaq jhagray meiN rooth jana to laut aana 

Meri wo baateiN tu jin pe be-ikhtiyaar haNsta tha kHil Khila kar 
Bichharne walay meri wo baateiN kabhi rulaaiN to laut aana

JO GUZR GYA SO GUZR GYA.........!!!!!

JO GUZR GYA SO GUZR GYA.........!!!!!
na gila kia na khafa hoa
yuhi rastay may juda hoa
na wo bewafa na may bewafa
jo guzr gya so guzr gya......

wo gazal ki ik kitab tha
wo gulon may ik gulab tha
zra dair ka koi khawab tha
jo guzr gya so guzr gya.......

wo udas dhop smait kr
kahi wadion may utr gya
usey ab na dey mere dil sda
jo guzr gya so guzr gya.......

yeh safr bi kitna taweel hay
yaha wqt bi kitna qaleel hay
kaha loat kr koi aye ga
jo guzr gya so guzr gya......


JO GUZR GYA SO GUZR GYA.........!!!!!